【榴槤下午茶】帝都酒店泰式榴槤下午茶　優惠價388元兩位吃盡國金枕榴槤鹹甜點

榴槤忠粉終於等到有酒店推出榴槤下午茶了！帝都酒店的one+one café & bar以「仲夏飄香」泰式榴槤下午茶為主題，為大家炮製一系列以頂級泰國金枕榴槤入饌的精緻甜品，以及融入了創新泰式元素的新口味鹹點，讓大家吃個「榴槤」忘返！
 
單聽甜品名字，已經相當吸引，特濃榴槤慕絲蛋糕，以幼滑慕絲唧成粒粒釘狀扮榴槤外層，再灑上可可粉點綴，呈現榴槤漸變顏色的效果。而半熟榴槤芝士撻靈感取自日本超人氣的半熟芝士撻，芝士與榴槤的組合無得輸。還有迷你榴槤泡芙、榴槤燉蛋、榴槤流心朱古力......

▲ 單看賣相已經好吸引。(酒店提供)

另外，大廚還精心設計了多款特色鹹點，全以泰式口味為主，但就以新鮮賣相呈現，如一口冬蔭功鮮蝦雲吞、鮮蟹肉薯泥球伴泰式酸辣汁、泰式海南雞軍艦等等。

「仲夏飄香」泰式榴槤下午茶

日期：即日至6月30日

時間：周一至日、3:15pm-5pm

價錢：$388/2位 (原價：$488)，另收加一

電話：2694 3869

記者：趙景隆